I&PR Director in World Photography Day hmanpui

World Photography Day, 2021 chu nimin khan khawvel hmun hrang hrangah hman a ni.

    World Photography Day vawi 182-na pual hian Mizo Photographer Society leh I&PR Department buatsaihin nimin khan I&PR Auditorium-ah hun hman a ni a, he hun hi I&PR Director, Lallianpuii chuan khuallian nia hmanpuiin thlalatute chu thlalak tha leh ro tling a awm zel theih nan an thiamna te tisang zel turin a sawm a, Mobile Phone a thlalak te pawh tha ve tho mahse, camera tha tak hmanga thlalak nge nge hian siam len leh cheibawl a dawl thin tih sawiin, Resolution sang tha tak, picture tha tak, Mizoram ram thla leh a chhunga cheng nungcha leh thil thlengte, Sawrkar hmunhma infrastructure leh hmalakna hlimthla te chiang taka min hmuhtir thintu chu thlalak - photographs bawk hi a ni thin, tiin “Thlalak hian power, magic ril tak a nei a ni tih kan hriat fo a ngai a ni,” a ti bawk. He hunah hian World Photography Day denchhena thlalak intihsiakna lawmman semna nei nghal a ni.