Latest News

Hri laka invenna ngai pawimawh leh turin ngen

COVID-19 chungchanga sawrkar aiawha thupuangtu Dr. Pachuau Lalmalsawma chuan, “Total lockdown phelh thawl hi thawktute hian kan chak tawh. Mahse, tuna kan dinhmun thlir hian In lamah kan in en hlum lo ang tih pawh a sawi theih loh,” a ti.

Nimin khan thuthar thehdarhtute hnenah he thu hi sawiin Dr. Pachuau Lalmalsawma chuan, “Covid-19 thawh khatna kan paltlang a, thawh hnihnaah kan kangkai, bung thar mai pawh ni loin bu thar kan kaiin ka hria. Mizoram chhung ngeiah Variant thar te hmuh a lo ni ta,” a ti a. Tun dinhmun thlir hian COVID-19 thawh hnihna hi khawi laiah nge a ral a, a thawh thumna hi khawi lai atangin nge a inphum tan tih hriat hleih theih lova awm a hlauhthawn thu a sawi.

Dr. Pachuau Lalmalsawma chuan, COVID-19 laka himna tura inkaihhruaina dan zawm kawngah mipuite hlawhchhamna in damlo enkawlna hmun a khah vek thu a sawi a. “Nunna leh thihna chungchang, Ventilator leh Oxygen, CCC leh 4C te a lo nih tawh avangin hri laka himna tura inkaihhruai dan zawm kawngah kan tharthawh leh a ngai,” a ti a. Lockdown inphelh thawl hi a thawktute pawh hian an chak tawh thu leh mipui lam pawhin thawktute an puih theihna chu invenna tih that hi a nih thu a sawi bawk.

Comments

Chhiar Hlawhte