Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Olympian Lalremsiami ropui takin lo hmuah a ni

Japan khawpui Tokyo-a Olympic Games neih zawh taka Mizo zinga tel awmchhun, Indian Women’s National Hockey player Lalremsiami chuan nimin khan Mizoram rawn thlengin ropui taka lo hmuah a ni.


Nimin chawhnu dar 1:00 khan Lalremsiami hian Lengpui Airport rawn thlengin Sport Minister Robert Romawia Royte chuan Delhi atangin a rawn zui a, Airport-ah hian SAI hotute bakah Sport &Youth Services Department hotute chuan lo dawngsawngin Lengpui Airport a luh veleh Rapid Antigen Test hmanga Sample enfiahin COVID-19 Test negative a nei tih hriat anih hnuah Mizoram Hockey Player te chuan lawmpuina chibai an lo buk bakah Tawlhlohpuan an lo bah tir a. NCC, Hrangbana College ten Press Conference Hall-ah hruaiin Minister leh mi pawimawh ten lawmpuina pangpar leh thilpek nen an lo dawngsawng a, thuthar theh-darhtute a kawm nghal a ni.

Lalremsiami hian Sport Minister leh an bialtu MLA, Minister K. Lalrinliana te chungah lawmthu sawiin, Chief Minister Zoramthanga’n Inhmun a pek avangte leh hna a pek avangin lawmthu a sawi a. Amah ruai mektu Railway Ministry India in hna a pek vangte leh hun tha an pek avangin lawmawm a tih thu sawiin, Mizoram mipui leh hmun danga awm ten tawngtaina an tawiawm thin avangin lawmthu a sawi a. Mizoram sawrkarin hna tha tak, Group A Officer hna a pe chu lawmawm a tih thu sawiin, hna a zawm leh zawm loh chungchangah Mizoram a rawn thlen chauh avangin inngaihtuahna hun ala neih loh thu leh, thutlukna a la neih loh thu a sawi a. Hetih rual hian sawrkarin hna a pek chu Hockey a khelhna kawngah 100% a in sawrbing theih dawn avang erawh chuan lawmthu a sawi a ni.

Thenzawl Hockey Academy atanga Olympic thlenga a tel thei chu ropui a tih thu Lalremsiami chuan sawiin, Mizoram-ah Hockey khel an tlem a, tunah chuan khelmual kan nei tha zela, reilote ah Olympic khel tur Mizo kan awm nual a rin thu a sawi a. India Hockey player zingah Tribal anihna anga inenhranna tawh loh thu a sawi bawk.

Lalremsiami hi a nu, Lalzarmawii chuan tawiawmin Press Conference hi Mizoram State Sport Council (MSSC) Secretary, John Tanpuia chuan a kaihruai a, Sport Minister Robert Romawia Royte, P&E Minister R. Lalzirliana leh Supply Minister K. Lalrinliana te bakah Mizoram State Sport Council hruaitu te chuan an hmanpui bawk a ni.

Olympian Lalremsiami hi Lengpui Airport atangin ropui taka Aizawl panpui a ni a, a bik taka chuanna tur motor ruahman sakah chuangin India hmarchaka Bike intelkhawm upa ber, Aizawl Thunder member za rualin hma an hruai a, Aizawl khawpui fankualpui a ni bawk.

Comments

Popular News (Last 30 Days)