LADC-ah School kai dawn

Lai Autonomous District Council (LADC) hnuaia Primary School 62 leh Middle School 47 ten School an hawn dan tur chu LADC Education Department chuan a duang fel ta.

Pawl khat leh pawl hnih chu Thawhtanni leh Ningani ah School an kai anga, Pawl 3 leh Pawl 4 ten Thawhtanni, Nilaini leh Zirtawpni-ah School an kai thung dawn a ni. LADC hnuaia Primary School hawn theih tur te hi District khawthlang lam Western Circle ah School 30, Centre Circle ah School 2 leh Eastern Circle-ah School 30 an ni. Hei bakah hian Middle School kai dan tur pawh ruahmanin, Class-V leh VI te chu Nilaini leh Zirtawpni-ah an kai anga, Class VII leh Class VIII chu Thawhtanni, Thawhlehni leh Ningani ah te an kai thung dawn a ni.