Fit India Freedom Run nei

/

India ramin zalenna a hmuh kum 75-na lawmna, Azadi ka Amrut Mahotsav kal zelah nimin zing khan Serchhip-ah Fit India Freedom Run neih a ni.

Nehru Yuva Kendra Sangathan (NYKS) Serchhip District leh National Service Scheme (NSS), Govt. Serchhip College tangkawp buatsaih Fit India Freedom Run hi Helipad peng atanga Govt. Serchhip College thlenga neih a ni a, he hun hi NSS Govt. Serchhip College-a Programme Officer, C. Lalramliana chuan kaihruaiin School, College, University a zirlaiten an taksa sawizawi leh tih hrisel (physical fitness) a pawimawh thu sawiin, Fit India Freedom Run in a tum ber chu ram mipuite chu thatchhiatna, thauna, stress, anxiety leh natna hrang hrang te laka kan talchhuah zel theihna tur taksa sawizawi a pawimawh zia inhrilhhriat a nih thu a sawi bawk.

Ministry of Youth Affairs and Sports hnuaiah ‘Fit India Movement’ hi August 29, 2019 khan Prime Minister Narendra Modi chuan a lo hawng tawh a. Ram chhunga District 744-ah he Campaign hi neih niin Mizoram-ah pawh District 11-ah kalpui mek a ni a, Serchhip District-ah hian Serchhip bakah E. Lungdar-ah nimin zing khan hun hman a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »