Latest News

ZLP-ah Duhoma’n tel tum

Serchhip bial Assembly bye-election a thlantlin Lalduhoma chu Zo Peoples Movement Legislature Party (ZLP)-ah tel a tum.

Serchhip bial Assembly bye-election neih zawh taka ZPM Ticket-a thlantlin Lalduhoma hian Assembly House-a Legislature Party te zingah ZLP zawm turin thutlukna a siam a, a dil angin ZPM pawhin an phalsak tawh a, Assembly Speaker pawm-puina a nghak mek a. Speaker-in a pawm chuan ZLP-ah Leader a ni dawn a, Leader ni lai Vanlalhlana chu Deputy Leader a ni thung ang. Serchhip bial atanga Lalduhoma hi thlantlin leh a nih chuan ZLP-ah an tel ho tur thu leh Leader a nih leh tur thu hi ZLP Member te hian Serchhip bial-a bye-election neih a nih hma khan thuthar thehdarhtute hmaah an lo saiw tawh a ni.

Kum 2018 Mizoram Assembly inthlan neih tuma ZPM atanga Independent-a MLA atana thlantlin mi pasarih te chuan ZPM Legislature Party an din a, a hnuah Speaker-in rem a tih tâk loh avangin ZLP hi din leh a ni a. Lalduhoma hi ZLP-ah Leader ni thinin, MLA atanga bàn a nih hnuah Vanlalhlana chu Leader-ah dah a ni.

Comments

Chhiar Hlawhte