Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

COVID-19 hripui dona kawnga MNF sawrkar chet dan hi a thalo takzet - MPCC Media Deptt.

Mizoram Pradesh Congress Committee (MPCC) chuan COVID-19 hripui dona kawnga MNF sawrkar chet dan chu a thalo takzet tih sawiin, “Sawrkar mualpho loh hram dan chiah a zawng ngar ngar zawk a ni tih a chiang chho zel a ni,” an ti.

Nimin-a thuchhuah an siamah MPCC Media Department chuan Mizoram anga mipuiin COVID-19 dona kawnga sawrkar an thlawp thatna leh an tanpui nasatna hi khawi ramah mah a awm lo nia sawiin, “Khawtlang mipuiin sawrkar tibuai hauh lova COVID-19 vei te an enkawlna 4C kan tih maite hi hmun dangah hmuh tur a awm ve hek lo. Mipui lam hian VLTF/LLTF kaltlangin Sawrkar tih tur zatve (50%) hi chu an tih sak niin a lang. Hri a darh zel lohna turin hlawh leh hamthatna engmah nei lovin VLTF/LLTF ten theihtawp chhuahin hma an la thin a ni,” an ti.

MPCC Media Department chuan September 20, 2020 khan Mizoram sawrkar chuan thuchhuah siamin, COVID-19 dotu Frontline Worker, sawrkar hnathawk nghet ni lo te, Village/Local Level Task Force Member te, Volunteer-ten COVID-19 an kai palh a nih chuan a thlawn veka enkawl tur a ni tih a ni tih sawiin, Sawrkarin hetianga thuchhuah fel tak a nei tawh chung hian Village/Local Level Task Force Member thenkhat, COVID-19 kai palh, ZMC-a enkawlte chuan a thlawna enkawlna an dawn theihloh thu leh Bill engkim chawitir vek an ni tih an sawi a. “Sawrkarin a thlawna enkawl an nih tur thu thuchhuah siam meuhin tarlang mah se, a tak takah chuan a thlawna enkawl an ni lo a, bill an chawi vek tho a ni,” an ti.

Hetiang thil thleng hi Congress Party chuan an hrethiam lo tih pawh an thuchhuah ah hian tarlangin, Frontline Worker VLTF/LLTF-te mai bakah mipui zahlohna dik takah an ngai tih an sawi a. “Frontline Worker-te hi chu a thlawna enkawlna dawng ngei ngei tur an ni tih hi Congress Party ngaihdan a ni,” tiin, COVID-19 dona kawnga thawktu, a hmatawnga awm, sawrkar-a bill ve theilo te sawrkarin a thlawna a enkawl theilo chu hriatthiam theih a ni lo tih an sawi a. “Sawrkar hian mipui leh VLTF/LLTF leh mipui hi hmanrua atan chauh min duh tihna a ni,” an ti bawk.

MPCC Media Department chuan VLTF/LLTF member-te leh Volunteer zawng zawngte hian vanduaithlak taka hri an kai a nih chuan sawrkarin a intiam ang ngeiin a thlawn vekin a enkawl tur a ni tih sawiin, “A thlawna enkawlna dawng lo, Bill lo pe tawhte pawh pawisa pek kir leh vek an ni tur a ni,” tiin he thil hi sawrkarin a bawhzui nghal a nih loh chuan na takin hma an la dawn tih an sawi a. “COVID-19 hripui dona kawnga MNF sawrkar chet dan hi zirchian tak tak chuan a tha lo takzet a. Mipuiin nasa taka kan pui chungin MNF sawrkar hian mipui zahna pakhatmah a nei lo a, sawrkar mualpho loh hram dan chiah a zawng ngar ngar zawk a ni tih a chiang chho zel a ni.,” an ti bawk.

Comments

Chhiar Hlawhte