Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram-ah hri kai 845 hmuh belh leh an ni

Niminpiah khan Mizoram-ah COVID-19 hri kai hmuhchhuah pung leh hlekin Sample enfiah 10,104 atangin hri kai 845 hmuhchhuah an ni a, Sample enfiah atanga za zela 8.36 te chuan hri an kai a ni.

ZMC-a RT-PCR Laboratory-ah niminpiah khan Sample 1254 enfiah niin heng atang hian hri kai mi 110 hmuhchhuah an ni a, an vai hian Aizawl District-a Sample lak te niin Bethlehem Veng-ah hri kai mi 13 hmuh leh niin a bak te hi Veng leh khua 26 ami niin Central Jail-ah hri kai mi pakhat hmuh leh a ni bawk. Niminpiah khan Fluorescent Immunoassay (FIA) hmanga Sample enfiah a awmlo thung.

District hrang hranga TrueNat Laboratory-ah Sample 285 enfiah ni bawkin heng atang hian hri kai 17 hmuhchhuah an ni a, an zinga mi 6 te chu Lunglei District ami te niin Siaha District-ah 4, Champhai District-ah 3 leh Mamit, Kolasib, Saitual leh Serchhip District-ah pakhat theuh an ni.

Mizoram hmun hrang hrangah Rapid Antigen Test hmangin Sample 8565 enfiah a ni bawk a, heng atang hian hri kai 718 hmuh an ni a, an zingah hian Aizawl District atanga hri kai hmuhchhuah 373 an tel a ni. Aizawl District-a hri kai hmuhchhuah zingah hian Lengte-ah hri kai mi 49 zet hmuh niin Ramhlun North-ah 25 leh Bawngkawn-ah 21 hmuh an ni bawk a, a bak hi Veng leh khua 74 ami te an ni. Kolasib District-ah pawh hri kai mi 126 zet hmuhchhuah an awm bawk a, Veng leh khua 20 ami te niin Nisapui-ah hri kai 19 hmuh an ni bawk. Lunglei District-ah hri kai mi 82 hmuhchhuah niin Lawngtlai District-ah 46, Mamit District-ah 34, Siaha District-ah 29, Champhai District-ah 17, Serchhip District-ah 4 leh Saitual District-ah hri kai pakhat hmuh a ni bawk.

Nimin khan Mizoram-a hri kai enkawl mi 226 te chu enkawl dam an ni ve leh bawk a, heti hian nimin tlai dar 5:00 thleng khan Mizoram a hri kai hmuhchhuah chu 53,317 niin an zinga 47,015 te chu enkawl dam an ni tawh a, hei hi hri kai hmuhchhuah atangin zaa 88.18 a ni a, tunah hian hri kai enkawllai 61010 an la awm mek a ni.

Mizoram-a Hri kai zingah mi 201 an boral tawh :

Mizoram-a COVID-19 hri kai zingah nimin khan mi pakhat boral lehin Mizoram-a hri kai boral chu mi 201 an tling ta. Nimin chawhnu dar 2:00 khan H.Lalhmingmawii (61), Chaltlang Lily Veng chu COVID-19 vangin ZMC-ah a boral ve leh a, heti hian tun thla chhungin hri kai mi 53 zet an boral tawh a ni. Mizoram-a hri kai boral mi 201 zinga 156 te hi Aizawl District-a hri kai hmuhchhuah an ni a, Kolasib District-ah 19, Lawngtlai District-ah 13 Lunglei District-ah 4, Serchhip District-ah 3, Mamit leh Saitual District-ah 2 ve ve leh Siaha leh Champhai District-ah mi pakhat ve ve an boral tawh bawk a ni.

Comments

Popular News (Last 30 Days)