Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Chanmari VC ten VC mawhphurhna an inhlan

Serchhip Chanmari Village Council chuan Executive Body thar an insiam hnuah nimin khan VC mawhphurhna an inhlan fel ta.

Tarlan tawh angin Serchhip Chanmari VC dinglai-a Vice President in banna a thehluh tak avangin VC Executive Body hi siam thar a ni a, Executive Body thar a din thu hi kar hmasa khan Serchhip DLAO hriattir a nih hnuah Ningani khan pawmpui turin LAD Director hnenah thawn a ni tawh a, hun reilote ah an rawn pawm beisei niin nimin khan VC mawhphurhna hi an inhlan a, Chanmari VC-ah MNF kaihhruai VC thar a ding dawn ta a ni.

Chanmari VC-ah hian K. Hrangnawna (MNF) chu VC President a ni dawn a, Isaac Malsawmtluanga (INC) chu Vice President niin Treasurer-ah PC. Lianngura (MNF) a ni anga, Member pahnih an awm dawn a ni. Hetihlai hian he VC-a Secretary nilai pawh thlak a ni dawn nia thudawn a ni a, amaherawh chu VC Sitting a la ngaihtuah hmasak a tul avangin tihfel ala ni lo nia thudawn a ni thung.

Comments

Chhiar Hlawhte