LADC CEM thar atan V. Zirsanga thlan a ni

Lai Autonomous District Council Fur thutkhawm neih mekah MNF Sawrkar, Manghmunga Chinzah kaihhruai chuan thlawptu a neih tam loh avanga niminpiah-a paih a nih hnuah nimin khan CEM thar thlanna neih a ni.

CEM thlanna atan hian hming pekluhna hun hawn chhungin Chairman a nihna atanga bangta Paithar bialtu MDC, V. Zirsanga leh Lawngtlai Chandmary bial atanga Independent a thlantlin Dr. Lorrain Lalpekliana Chinzah te chuan Nomination an thehlut a ni.

Nimin-a thutkhawm chhunzawm-ah Panel of Chairman chu a tlai hret vangin Member thenkhat leh CEM atanga paihthlak tak Manghmunga Chinzah te chuan House zahlohna a nih thu sawiin, engemawchen sawiho a nih hnuah Member 11, MNF Member 8 bakah CEM chuh tura hming pelut Dr. Lorrain Lalpekliana Chinzah telin Independent Member pahnih, leh Congress Member pakhat ten House an chhuahsan a, hemi hnu hian Chairman VL. Hmuaka chuan Paithar Bialtu MDC, V. Zirsanga chu Chief Executive Member atan chuhtu awmlova thlantlin a nih thu a puang ta a ni.