Latest News

Lockdown kalpui zel dan tur SEC kutah dah

Nimin chawhnu khan Health Minister, Dr. R. Lalthangliana hovin COVID-19 hri leng dinhmun thlirhona neih a ni.

SAD Conference Hall-a thlirhona neih ah hian Mizoram in harsatna hrang hrang a tawh mek leh ngaihdan hrang hrangte sawiho niin Lockdown chungchanga kalzel dan tur erawh SEC kut-a dah a ni. He thutkhawm ah hian Health Minister Dr. R. Lalthangliana chuan tunhnaia Economic Blockade avanga Life Saving Equipments tam tak kawnga tang te chuan harsatna a siam thu sawiin, ZMC-a Oxygen Plant siamna tur a tih khaihlak thu leh chinfel vat a nih a beisei thu a sawi a. Hun harsa leh khirh tak kan tawn mek laiin RAgT Test Kit 2,31,240 a awm thu a tarlang a. RT-PCR Test Kit chahbelh a nih mek thu leh Bihar a lo thlen tawh thu a sawi bawk.

Health Minister chuan COVID-19 Mass Test chu Veng/Khua 46 ah kalpui tawh a nih thu sawiin, mi 53,598 atangin hri kai 1764 hmuhchhuah an nih thu leh za zelah 3.29 a nih thu a sawi a. Mass Test bakah hian tluang takin Serial Test pawh Veng 19-ah kalpui a ni tih a sawi a. Mi 2446 Test zingah hri kai 336 hmuhchhuah niin, za zela 30.7 a chhut a nih thu leh Serial Test hi Veng 6 in an duh thu sawrkarah an sawi tawh tih a tarlang bawk.

Comments

Chhiar Hlawhte