Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Chanchin thar thenkhat :

Ni 3 chhung thukhawm dawn

Thla thar September 7 atanga nei tur Mizo-ram Legislative Assembly tutkhawm chu ni 3 chhung neih tura ruahman a ni. Assembly Speaker Lalrinliana Sailo hova Bussiness Advisory Committee thukhawm in ruahmanna an siam dan chuan Session tan ni hian Session neih kar laka MLA leh MLA hlui boral mi 2, PC. Zoram Sangliana leh Andrew H.Thangliana te sunna hun hman a ni dawn a, a hnuah zawhna leh chhanna hun hman a ni ang. September ni 8 leh 9-ah te zawhna leh chhanna bakah sawrkar thil pawi-mawh ngaihtuah tur te ngaihtuah a ni ang. Zirtawpni tlai thleng khan Session a ngaihtuah tur hian zawhna (starred question) 258 leh ziak a chhan chi zawhna (unstarred question) 227 a lut tawh a, sawrkar Bill 1 leh Paper Lay tur 5 a lut tawh bawk a ni.


MLA in raltlan te a tlawh

Lawngtlai West Bialtu MLA, C. Ngunlian-chunga chuan Myanmar ram tualchhung buaina vanga raltlan, Aizawl Salem Veng-a R. Deng-thuama Indoor Stadium-a awm mek te chu nimin khan a tlawh. C.Ngunlianchunga chuan, Myan-mar ramah mipui sawrkarna tundin a nih theih nana hmalatute, tun dinhmunah an ram chu an tan a him loh vanga Mizorama raltlan te chu thlamuang taka awm tura chahin, harsatna an neihte sutkian-pui turin theihtawp chhuahpui zel a inhuam thu a sawi a, R. Dengthuama Indoor Stadium-ah hian Myanmar ram MP 16 leh MLA 4 an awm mek thu sawiin, nitin mamawh eitur lam chi te pe in inkawmna an nei bawk a ni.


Mizoram-ah hri kai hmuh tam

Mizoram chuan India hmarchhak State te zingah ni khat chhunga COVID-19 hri kai hmuh-chhuah thar tam lamah ni 6 chhung a zawnin sang ber nihna a hauh ta a. Mizoram hi mihring awm tlem ber State zing ami ni mahse, India ram a ni khat-a hri kai hmuhchhuah tam lamah 6-na a ni a, Hri kai mek zat tam lamah India ram pumah 7-na a nih bakah hri kai tawh atanga chhuta dam-chhuak tlem ber nihna a hauh mek bawk a ni.


ZLP ten Tuirial bial an tlawh

Zo Peoples Movement Legislature Party (ZLP) member te chuan Zirtawpni kalta khan an member pui boralta, Andrew H. Thangliana bial, Tuirial bial-a khaw hrang hrang tlawh an tlawh a, he hunah hian ZLP member te hi hlawm li-ah inthenin AMC Councillor ten an tawiawm a ni. ZPM Legislature Party Secretary Dr. Vanlalthlana chuan, “Ram rawng kan bawlpui, kan thianpa, Tuirial bialtu MLA Andrew H. Thangliana kan chan ta mai hi a hrilhhaithlak takzet a, hna thawh zawhloh leh hmabak tam tak nei chunga min kalsan mai hi kan tuar tak zet a. Bialtu MLA a awm tak loh avang hian in thla lo ti phang mai lo ula, keini, a thawhpui MLA te hi he bial tan hian kan ding zel dawn a, he bial tana tih theih kan neih ang ang te kan ti zel ang a, harsatna in nei a nih phawt chuan kan hnenah rawn thlen zel turin kan ngen che u a ni,” a ti.


Minister 2 in hawng

Regional Sports Training Centre, Saidan Kolasib-a Astro Turf Football Ground leh Khelo India Football Centre chu Inrinni khan Kola-sib bialtu MLA leh Supply Minister, K. Lal-rinliana leh Sports Minister Robert Romawia Royte te chuan an hawng a. Khelo India Football Centre, Kolasib hi Khelo India Scheme hnuaia cheng vbc. 5 seng a sak niin Mizoram a FIFA approved Ground hmasa ber a ni a. A zau zawng hi 115m × 74m niin a inkhelh theihna lai zau zawng hi 110m×68m a ni a, MANIDCO hnuai a Decor India te sak a ni. He hunah hian Minister pahnih te hian Regional Sports Training Centre hawn a ni chu lawmawm an tih thu leh mipuite tan infiamna kawnga malsawnna nasa zawk a thlen ngei an beisei thu an sawi bawk.

Comments

Popular News (Last 30 Days)