Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Officer ten zirhona an nei

Serchhip District-a sawrkar Department hrang hrang enkawltu Officer (Head of Offices) te pualin nimin khan chhiatna lo thlen thulha chhanchhuah leh chhawmdawl hna thawh dan zirhona neih a ni.


Serchhip DC Meeting Hall-a Disaster Management chungchang inhrilhhriatna hun hi Serchhip DC mawhphurhna la mektu Addl. DC, Lalmuansanga Ralte chuan hawngin Disaster Management inhrilhhriatna hi a khat tawka buatsaih thin a nih thu a sawi a. District Disaster Management Plan thar siamna atan te, Department tinin anmahni puala Disaster Plan an siamna atan te a tangkai thu sawiin, chhiatna a lo thlena mahni mawhphurhna theuh kan hriat theih nan te pawh a tangkai hle thin tih a sawi a. Engtiklai pawha chhiatna tawk thei reng kan nih avangin inbuatsaihna tha tak neia awm reng hi kan tihmakmawh a ni, a ti bawk.

He hunah hian DM&R-a District Orga-niser, Vanlalduhi Ralte chuan Serchhip District Disaster Management Plan chungchang leh Incidence Response System kan hman mek te kalkhawmte a zirtir a, Thenzawl DFO Margaret Lalramchhani chuan Forest Fire Management chungchangah zirtirna pein Serchhip DVO Dr. R. Lalmakthanga chuan Biological Disaster Management chungchang a zirtir bawk. Nimin a zirhona hi chhawng hnih-a neih niin chawhma lamah mi 29 telin chawhnu lamah mi 30 an tel thung a ni.

Comments

Popular News (Last 30 Days)