Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Serchhip leh Thenzawl mipui ten Online-a Tui Bill pekna la hmang tangkai tawklo

PHE Serchhip WATSAN Division in mipui tana Online hmanga Tui Bill pek theihna an siam chu mipui ten an la hmang tangkai tawklo niin a lang.

Serchhip leh Thenzawl khua a Tui Connection nei ten an Tui Bill te Bill pekna Counter-a kal kher lova an pek theihna tur, Online Bill Payment hi kar kalta Ningani, August 5, 2021 khan hman theih tura hawn tan niin nimin, a ni 5-na thleng khan Online hmanga Bill pe erawh an la tam lutuk lo tih PHE Serchhip Division-a Sr. SDO, Er. Samuel LR. Ralte chuan a sawi a. Serchhip leh Thenzawl-ah hian Online hmanga Tui Bill pe thei mi 4748 an awm thu sawiin, nimin thlenga Online hmanga Tui Bill pe hi mi za thum chuang hret an awm tawh thu leh hei hi Tui Connection nei te atanga chhutin zaa 6 aia tam hret chauh ala nih thu a sawi a. Online hmanga Tui Bill pekna siam chu a hautak thu leh mipuite tan erawh a tangkai thu an sawi bawk.

Er. Samuel LR. Ralte chuan Online hmanga Tui Bill pe hi engemaw zat awm bawk mah se Bill Counter-a kal-a Bill pe erawh an la tam hle tih sawiin, an zinga tam tak chuan Receipt lak kher chu an duh nia a lan thu a sawi a. Tui Bill pe tur ten Online hmanga an pek hian mahni In atanga awlsam taka an pek theih avangin hun leh tha a hehlo tih sawiin, mipuite pawhin a tangkaina an hriat a pawimawh thu a sawi a. Hri leng karah midang nena inhnaih lova awm a pawimawh bawk avangin mipui ten Online hmanga Tui Bill pek hi tun aiin hmang tangkai lehzual se an duh thu a sawi a. Online-a Tui Bill pek dan mipuite zirtirna kawng hrang hrangah an buatsaih thu pawh a sawi bawk.

PHE Department hian Serchhip leh Thenzawl-a mipui ten Tui Supply leh a kaihhnawih a harsatna an neih changa an thlenna tur ruahmanna siamin harsatna nei te hian Ph. No. 9863734679 leh 9362632314-ah te biak theih a ni bawk ang.

Comments

Chhiar Hlawhte