Latest News

Inkaihhruaina hman zui tur

Serchhip District Bawrhsap Kumar Abhishek chuan nimin khan thupek tichhuakin COVID-19 hri leng hluar zel laka mipuite him theihna tura tun thla ni 2-a inkaihhruaina thupek lo tihchhuah tawh chu Oct. 17, 2021 atanga Oct. 30, 2021 zanlai dar 12:00 thleng Serchhip District-ah hman chhunzawm tur a nih thu a tarlang.

Zirlai tithate chawimawina hun hmang

Govt. T. Romana College chuan Mizoram University-in Under Graduate Exam a buatsaiha an College atanga pass tha te chawimawina hun nimin khan an hmang.

Govt. T. Romana College chuan Mizoram University-in Under Graduate Exam a buatsaiha an College atanga pass tha te chawimawina hun nimin khan an hmang. Govt. T. Romana College in zirlai pass tha te chawimawina hun an buatsaih hi MJA Gen. Hqrs. president Zonunsanga Khiangte chuan hmanpuiin Mizoram sawrkar hnuaia Ccollege ding zinga result nei tha ber an ni chu a chhuanawm a tih thu a sawi a. “A building leh hmunhmaa lamah chuan College ropui ber a ni lo mai thei a, a chhunga awmte in ropui a, chu chu in thiamna hmamgin puanchhuahin a awm a ni,” a ti a. Graduate tharte pawh Govt. T. Romana College chhuak chu an danglam bik tur a ni tih rilru pu turin a chah bawk.

Kum 2020-a Mizoram University-in UG Exam a buatsaihah Govt. T. Romana College atang hian BA Final Exam mi 269 awmin zaa 78 in an pass a, 2021-a BA Final result chhuakah Candidate 348 awmin zaa 96-in an pass a ni. Kum 2021 result chhuakah hian Aizawl khawpui chhunga Mizoram sawrkarin a enkawl College-a pass percentage sanna ber a ni.

Govt. T. Romana College hi kum 1992-a din a ni a, Under Graduate Level-ah subject 8 zirna awmin zirlai 1380 an awm mek a. National Assessment and Accreditation Council (NAAC) chuan Grade 'B' a pe a, thawktu 53-in an enkawl mek a ni. Govt. T. Romana College-a Thingsiri Cultural Club chuan MJA Gen. Hqrs. President hi an Club Patron atan an ruat a. He ruatna hi nimin-a zirlai titha chawimawina hun hman rual hian hman nghal a ni bawk.

Comments

Chhiar Hlawhte