Hri kai mi 3 hmuh belh

Zonuna Kawlni /

Nimin khan Serchhip District-ah COVID-19 hri kai mi 3 hmuh belh leh niin Serchhip District-ah hri kai enkawllai mi 58 an awm mek.

Nimin a Serchhip District-a hri kai hmuhchhuah te hi BSF Sipai vek niin TrueNat Laboratory a Sample enfiah result erawh hriat ala ni lo thung. Niminpiah khan ZMC-a RT-PCR Laboratory-ah Serchhip District atanga Sample lak 14 te enfiah niin Serchhip District-a TrueNat Laboratory-ah Sample 16 enfiah a nih bakah Rapid Antigen Test hmangin Sample 72 enfiah a ni a, heng atang hian hri kai hmuhchhuah an awm lo bawk.

Nimin khan Serchhip District-ah hri kai enkawl dam an awm lova, niminpiah khan IAH Thenzawl atangin hri kai mi 8 te enkawl dam an ni thung.

Heti hian nimin thlenga Serchhip District-a hri kai hmuhchhuah chu 847 an ni tawh a, tunah hian hri kai zinga mi 786 te chu enkawl dam ni tawhin hri kai enkawllai mi 58 an la awm a, hri kai zingah mi 3 an boral tawh bawk a ni. Nimin-a COVID-19 hri kai zinga boral-ah Serchhip mi tel anga tarlan chu Serchhip District Case ni lovin Aizawl-a hri kai hmuhchhuah nia thudawn a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »