Latest News

Chanchin thar thenkhat :

Complaint zel turin duh

Mizoram Consumers Union (MCU) chuan Electric Bill sang nia hria a lungawi lote chuan Department-ah complaint zel se an duh tih an sawi. MCU General Secretary C. Laldawngliana chuan tunhnaia mi thenkhat Electric chhit man sang a awm nia sawi chungchangah MCU Office Bearer-te leh Power & Electricity Department E-in-C te nen an sawiho niin a sawi a, thla dang aia bill sang te chuan an bialtu SDO hnenah complaint ngei se an tih bakah SDO-te hi thuneihna sang tak Department chuan an pe niin a sawi. MCU hruaitute chuan Eng chhit man chu kumin April thla atangin 23.7% a tihsan a nih thu an sawi bawk. Tunhnaia Tui Connection tihtawp chungchangah pawh MCU hian hma la in May, June leh July, 2021 chhunga connection tihtawp te chu an harsatna, Consumer hming leh No. te bialtu Sectional Officer hnenah hriattir turin an ti bawk.


AMC la inkharkhip dawn

COVID-19 hri leng avanga inkhuahkhirhna kalpui mekah Aizawl Municipal Corporation (AMC) huamchhungah chuan tun thla ni 21 thleng khian inkharkhip kalpui leh a ni dawn a, hemi hun chhúng hian loh theih loh thilah lo chuan pawn chhuah leh inlenpawh khap tlat a ni a. Building khata In hrang hrang luahte pawh intlawhpawh khap a ni. Zirna In, Sakhaw biakna In leh puipunna hmun dang khar zui a ni anga, Tourist Lodge, Hotel, Homestay leh khualbuk dangte mikhual thlen phal a ni a, Eichawp dawr te chu nitin hawn phal a ni a, sumdawnna hmun dang te chu inhawn chhawk tur a ni ang.


MPCC in I-Day an hmang

Mizoram Pradesh Congress Committee (MPCC) buatsaihin India ram Independence Day vawi 75-na lawmna chu nimin khan Mizo-ram chhung hmun hrang hrangah neih a ni a, Aizawl-ah chuan MPCC President Lal Thanhawla’n Congress Bhavan kawt-ah Hnam puanzar a pawtparh a, Serchhip-ah pawh Press Club-ah he ni pual hian hun hman a ni.

Comments

Chhiar Hlawhte