RRR-a’n sawrkar laipui mi pawimawh te a kawm

/

New Delhi-a cham mek Tourism Minister Robert Romawia Royte chuan nimin khan Ministry thenkhata Secretary lian te kawmin Mizoram tana thil pawimawh te a sawipui.

Tourism Minister hian Ministry of Sports & Youth Affairs-a Secretary, Ravi Mittal kawm hmasa berin Mizoram-a Sports tihhmasawnna tur projects hrang hrang a sawipui a, Armed Veng-a Field chhawng siam mek chhunzawm zel nan sum sanction a nih tur thu lo hrilh a ni.

Hemi hnu hian Finance Secretary TV. Somanathan pawh kawmin Mizoram tana Special Assistance to State For Capital Expenditure cheng nuai 20000 chu release thuai tura a ngen bakah Sports Ministry hnuaia National Sports Development Fund pawh titawp lo tur leh Khelo India Scheme atana sum dah pawh tisang turin a ngen a. Mizoram sum tur chu release vat anih tur thu a lo hrilh a ni. Hei bakah hian Deparment of Economic Affairs (DEA)-a Addl. Secretary Rajat Mishra pawh kawm lehin Tourism leh Sports atana EAP Projects te sanction rang turin a ngen bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »