Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Assam CM leh Official 5 Vairengte PS a inlan turin ko

Mizoram leh Assam inkar ramri buaina avanga inkahna thlengah Mizoram Police te chuan Vairengte Police Station-ah Assam Chief Minister leh Official thenkhatte lakah ah thubuai an ziaklut a, Vawiin August 2, 2021-ah Vairengte PS-a inlan turin an hriattir.

Vairengte PS-ah hian Assam Chief Minister Himanta Biswa Sarma, Vairengte-a Mizoram Police Camp-a Assam Police rawn hotu IGP Anurag Agarwal, Assam DIG Devojyoti Mukherjee, Cachar DC Keerthi Jalli, Cachar SP Chandrakant Nimbalkar leh Dholai PS OC Sahab Uddin te lakah thubuai ziaklutin, Indian Penal Code (IPC) hnuaiah thubuai chi 12 hmanga hrem tura case siamsak an ni.

Heng mite laka thubuai ziahluh zingah tualthah tumna, a huhoa pawikhawih tumna, Arms Act leh Mizorama Covid-19 kaihhnawiha sawrkar dan dinglai bawhchhiatna te pawh telin Vawiin, August 2, 2021 ah Vairengte PS a inlan tura hriattir an ni.

Comments

Chhiar Hlawhte