Hri kai hmuh belh zel

Zonuna Kawlni /

Nimin khan Serchhip District-ah COVID-19 hri kai mi panga hmuhchhuah belh awm lehin Serchhip District-a hri kai hmuhchhuah chu 974 an tling tawh.

Nimin-a hri kai hmuhchhuah te hi Serchhip Vengchung atangin mi pali leh Chhim Veng-ah mi pakhat an ni a, an zinga pahnih te hi hri kaina hriatloh niin Vengchung-a hri kai mi 3 te erawh hri hmuhchhuah tawh te nen inkawmhnaihna nei an ni.

Niminpiah khan Serchhip District-ah hian TrueNat Laboratory atangin hri kai pakhat hmuh niin Serchhip Vengchung ami a ni bawk a, Rapid Antigen Test hmangin Thenzawl-ah hri kai mi 3 hmuh an ni bawk.

Nimin khan Serchhip District-a hri kai enkawl mi 8 te chu anmahni enkawlna hmun atanga chhuahtir an ni ve leh a, heng hri kai enkawl dam te hi Nursing School CCC atangin mi 4 leh In lama enkawl mi 3, Serchhip Vengchung ami te vek bakah ZMC-a enkawl mi pakhat an ni.

Heti hian nimin tlai thlenga Serchhip District-a hri kai hmuhchhuah chu 974 niin an zinga 883 te chu enkawl dam an ni tawh a, tunah hian hri kai enkawllai 88 awmin hri kai zingah mi 3 an boral tawh a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »