Latest News

Hri kai hmuhchhuah sang khat aiin an tam ta

Serchhip District-a COVID-19 hri kai hmuhchhuah chu mi sangkhat aiin an tam ta,a Inrinni khan Serchhip District-ah COVID-19 hri kai mi 9 lai hmuhchhuah awmin mi 34 te chu enkawl dam an ni thung.

Inrinni khan Serchhip District-a TrueNat Laboratory-ah Sample 18 enfiah niin heng atang hian hri kai mi 3 hmuh an ni a, an zinga mi pahnih te chu tunhnaia State pawn atanga rawn lut niin midang pakhat hi hri kai hmuhchhuah tawh nen inkawmhnaihna nei a ni thung. Rapid Antigen Test hmanga Sample enfiah 24 atangin hri kai mi 6 hmuh an ni a, an zinga 2 te hi Serchhip Field Veng ami niin Tuikhuah Veng-ah mi 2 leh Vengchung leh Thenzawl-ah hri kai pakhat ve ve hmuh an ni a, an vai hian hri kai tawh nen inkawmhnaihna nei an ni.

Hetihlai hian Serchhip District-a hri kai enkawl zingah dam an awm belh ve zel a, Inrinni khan Serchhip District-a hri kai enkawl mi 34 te chu anmahni enkawlna hmun atanga chhuahtir an ni ve leh a, Serchhip Vengchung atanga hri kai hmuhchhuah Nursing School CCC-a enkawl mi 6 leh In lama enkawl mi 14 te chhuahtir an nih bakah IAH Thenzawl-a hri kai enkawl mi 14 te chhuahtir an ni a. Nimin khan Vengchung-a hri kai Nursing School CCC atangin mi pakhat leh In lama enkawl mi 3 bakah IAH Thenzawl atangin mi 3 chhuahtir leh an ni bawk.

Heti hian nimin thleng khan Serchhip District-a hri kai hmuhchhuah chu 1006 an tling ta a, an zinga 940 te chu enkawl dam ni tawhin tunah hian hri kai enkawllai 63 an awm mek a, hri kai zingah mi 3 an boral tawh bawk a ni.

Comments

Chhiar Hlawhte