Latest News

COVID-19 hri danna la thei chin zawng ten hri danna la vek turin Serchhip CMO in a sawm

Image
Serchhip District Chief Medical Officer Dr. Laldawngliana Sailo chuan COVID-19 chu theihtawp chhuaha kan do chung pawha kan do hnehloh a ni tih sawiin, chumi dona hmanraw pawimawh tak chu hri danna laka ni tih a sawi a, hri danna la thei chin te chu la vek turin a sawm bawk.

Serchhip Sports Complex a Stadium hawn tum hnai

Serchhip Hmar Veng-a Sports Complex-a Stadium sak chu tun thla tawp lam khian hawng turin ruahmanna siam mek a ni.


Kum 2010 vela bul tan tawh Serchhip Sports Complex hi a tira ruahman bakah Running Track te siam belh a nih bakah hnathawh khaihlak a awm fo avangin a hun takah zawhfel mai theih a ni lova, tunah hian mipui ten tangkai zawka an hman theihna turin hawn phawt tum niin nimin atang khan Serchhip-a UD&PA Department-a thawktute chuan Stadium chhung leh a vel thenfai hna an thawk a, ruahman ang chuan Stadium cheithat hna leh thenfai hna hi thawh chhoh zel tur a ni anga, hei vang hian Stadium hman mamawh tan pawh hman theih a ni dawn rih lova. UD&PA Department chuan mipuite hriatthiamna an ngen nghal bawk a ni.

Serchhip-a Sports Stadium hawnna hi hrileng avanga punkhawmna neih theih a nih loh avangin biak hmuh theihna hmanga hawn tura ruahman niin Aizawl atangin a hawnna hun hi hman a ni ang.

Comments

Chhiar Hlawhte