Tuipui-D (Darzo kai) Lei dawh tur Minister in tlawh

/

Health Minister leh South Tuipui Bialtu MLA ni bawk Dr. R. Lalthangliana chuan Ministry of Defence hnuaia Border Road Organization (BRO) in Tuipui-D (Darzo kai) Lei dawh thar tura ruahmanna an siam mek chu chak zawka bawhzui a nih theih nan nimin khan a hmunah tlawhin BRO Project Pushpak Chief Engineer, PN. Yadav chuan a tawiawm a ni.

Tuipui D (Darzo kai) Lei hi Motor eng chi pawh zawh theih tura siam tura ruahman a ni a. He Project atan hian DPR thehluh a nih tawh thu BRO Engineer-te chuan sawiin, he ruahmanna hi tum anga kalpui theih a nih chuan cheng vbc. 80 vel sengin kum 2 chhunga dawh zawh theih an in beisei thu BRO hotute hian an sawi a. Minister pawhin Tuipui-D (Darzo) kai Lei hman mek chu chhim lam khaw tam takte mamawh chawkluhna kawng pawimawh ber pakhat a ni tih sawiin, Lei (Bridge) changtlung zawk dawh tura ruahmanna awm mek chu a puitlin ngei theih nan leh chak zawka hmalakna kalpui a nih theih nan Ministry of Defense lamah bawhzui turin karleh-ah Delhi zin thlak a tum thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »