SBI Foundation atangin Serchhip District Hospital-a hman turin Ambulance hlan a ni

COVID-19 hri leng dona atana hman turin SBI Foundation chuan nimin khan Serchhip CMO hnenah Ambulance an hlan a, he Ambulance hi Rs. 20,69,464/- man a ni.


He Ambulance hlanna hun hi nimin-a India Independence Day lawmna Serchhip-a neih ah hman niin SBI Foundation, Mumbai aiawhin SBI Regional Business Office, Aizawl-a Regional Manager, LP. Lalchangkima chuan Serchhip CMO, Dr. Laldawngliana Sailo hnenah a hlan a, he Ambulance thar hi Serchhip District Hospital tana hlan a ni.

COVID-19 hri leng dona atan Serchhip District in Ambulance a mamawh avangin Ser-chhip District Bawrhsap, Kumar Abhishek chuan SBI Foundation, Mumbai te hi a bia a, Corporate Social Responsibility (CSR) hmangin he Ambulance hi Serchhip District Hospital tan an hlan a. Ambulance hi Basic Life Support System a ni chungin mamawh dang tul zual dah belh a ni a. Cardiac Monitor, Infusion Pump, Oxygen Cylinder leh Resuscitation bag te a awm bawk a ni.

Serchhip District Hospital hian tun dinhmun ah Ambulance hman theih pahnih neiin hei hi National Ambulance Service atanga an dawn leh nikum-a an dawn te a ni a, Ambulance an neihlai dang te erawh hman tlakloh in a awm mek a, tuna Ambulance an dawn hi Registration tihfel hmasak la ngai tur nia thudawn a ni bawk.

Comments

Popular News (Last 30 Days)

Serchhip DCSO sawn a ni