Latest News

CMRF atangin cheng nuai 292.6 pekchhuah rel

COVID-19 avanga Lockdown puan chhunga harsatna tawk, chhuanchhamte tanpui nan leh COVID-19 hri vei te enkawlna atan Rs. 2,92,60,000/- semchhuah a ni dawn.

Chief Minister’s Relief Fund (CMRF) hman dan tur ngaihtuahtu Committee on Utilization of Chief Minister’s Relief Fund for COVID-19 chu nimin khan an Chairman Lalnunmawia Chuaungo, Chief Secretary hovin Chief Secretary’s Conference Hall-ah thukhawmin COVID-19 hrileng laka mipui an him theih nan hun rei tak inkhuahkhirhna kalpui avanga eizawnna hna thawk chhunzawm theilo, harsatna nasa tak tawk an awm thu sawilan a ni a, a bik takin AMC Area huamchhungah chhawmdawl ngai an tam thu report niin District hrang hranga COVID-19 veite enkawlna hmuna mamawhna hrang hrang awmte pawh sawilan a ni a, heng atan hian Chief Minister's Relief Fund for COVID-19 atanga chhawmdawlna pek remtih a ni.

He huna ruahmanna siam danin AMC huamchhunga chhungkua 7,330 chhawmdawl nan Rs. 1,46,60,000/- (Rs.2,000/- theuh in) pek remtih a ni a. Hei bakah hian District tina hrileng veite enkawlna hmun hrang hranga a tul anga hman turin an DC te theuh kaltlanga chhawmdawlna pek remtih ni bawkin, hemi atan hian Rs. 1,46,00,000/- sanction a ni. Heti hian COVID-19 hrileng dona tura sum sen tawh zawng zawng chu Rs. 29,72,40,470 a ni dawn a ni.

Comments

Chhiar Hlawhte