Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

CM hovin I-Day hman a ni

Ram zalenna ni, India Independence Day vawi 75-na chu nimin khan Aizawl-ah pawh Chief Minister, Zoramthanga hovin hman a ni.

Aizawl Sipai Lammual-a Independence Day hmanna ah hian Chief Minister Zoramthanga chuan Hnam Puanzar pawtparhin mipui hnena thuchah a sawi a. COVID-19 hrileng chuan nunphung thlak dang-lamin, harsatna min thlen thu sawiin, nunna chan ta te a tawrhpui thu leh an kalsan takte Pathian awm-puina leh thlamuanna dilsak an nih thu a sawi.

Mizoram Sawrkarin ram chhung venhimna ngai pawimawhin, hemi atan hian chak takin hma a lak chhunzawm zel thu Chief Minister chuan a sawi a. Ramri kaihhnawih a harsatna awm thinte chingfel turin theihtawp chhuah zel a nih tur thu a sawi. Fall Army Worm (FAW) puangin thlai nasa taka a tihchhiat avangin KVK, Lengpui-a State Biological Control Laboratory chu NA-BARD kaltlangin cheng nuai 131.88 seng a chei tha in, PM-KISAN Programme hnuaiah loneitu chhungkua 1,49,243 hnenah tanpuina Rs. 6000/- theuh pek a nih thu a sawi bawk.

Chief Minister chuan COVID-19 thawh hnihna (second wave) a hripui hluar laia Lock-down kan kalpui thin lai khan Horticulture Department chuan ‘Fruits and Vegetable supply Chain’ a kalpui chu a tangkai thu leh, kumin July chawlhkar khatna thleng khan Supply Chain avanga lo leh huan neitute hnena sum lut belhkhawm chu cheng nuai 88.90 a tling a ni tih a sawi.

Hei bakah hian Chief Minister chuan African Swine Fever hrileng avanga chhiatna chu Disaster Act, 2005 hnuaiah chhawmdawlna pek a nih theih nan he hrileng hi ‘State of Calamity’ a puang turin hmalak mek a nih thu a sawi a. SEDP hnuaia ruahmanna awmsa ah kawng hrang hranga hmalakna turin kum 2020-2021 chhungin Department-ah cheng vbc. 99.61 pek a nih thu a sawi bawk.

Comments

Chhiar Hlawhte