Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Lei dawh thiah chungchangah FIR thehluh a ni

Assam Police ten Zirtawpni kalta-a Bairabi bul Zophai-a Ch. Chhunga leilet kam NH-154 leh IR Outpost inkalpawhna tur RCC hmanga Lei dawhhna thawh mek a In sakna hmanrua thiat a, thirtlawn lak a nih chungchangah Bairabi Police Station-ah thubuai ziahluh a ni.

He Lei dawhtu Contractor R. Lalthachungnunga, Bairabi North hian Bairabi Police Station-ah FIR a thehlut a, he FIR tlawhchhan hian Bairabi Police Station-ah IPC Section 379/34 (rukru tura intiamrual thubuai) ziahluh a ni a. Hetianga Lei dawhna hmanrua latute hi Assam Police niin an sawi a. Lei dawh hna hi Inrinni khan Mizoram Police te venhimna hnuaiah chhunzawm a ni a, hetianga FIR thehluh a nih hnu nimin tlai khan Lei dawhna Rod an lak te chu rawn dahkir a ni leh bawk.

Lei dawhna hmun leh a chhehvela Mizoram Police engemawzat awm te chu ramri ralmuanna tichhe thei ni a a hriat thu leh la sawn tura Hailakandi DC in Kolasib DC a ngenna chu chhangin, Kolasib DC Dr. H. Lalthlangliana chuan, Lei dawhmek chu Assam Police ten an tibuai tawh lovang tih Hailakandi DC in a tiam loh chuan an Police te an laksawn loh tur thu Hailakandi DC hi a hrilh a, helai hmunah hian boruak duhawm lo a thlenzui thu hriat a ni lo thung.

He Lei dawhna hi Central Special Assistance atanga hmuh niin ‘Mini Bridge on IR Approach Road to NH-154 along with Ch. Chhunga Paddy Field’ tih a ni a. Estimate amount cheng nuai 64.90 niin kumin February thla khan thawh tan ni mah se hri leng avangin chawlhsan a nih hnuah August 8, 2021 khan thawh tan leh a ni. 

Comments

Popular News (Last 30 Days)