ASF vangin Vawk 35 thi leh

Zonuna Kawlni /

Nimin khan Serchhip District-a khaw 12-ah African Swine Fever (ASF) vangin Vawk 35 a thi leh a, Serchhip District-a ASF vanga Vawk thi chu sang thum a tling ta.

Nimin a ASF vanga Vawk thi tamna ber chu Keitum khua niin Vawk 10 a thi leh a, Thenzawl-ah Vawk 8 a thi leh bawk. Heng bakah hian Vawk thi 3 awmna khaw pathum awmin Vawk 2 thihna khaw pahnih leh Vawk thi pakhat awmna khaw 5 a awm bawk a. Heng te nen hian Serchhip District-a khaw 29-ah ASF vangin Vawk 3007 lai a thi ta a, khaw mal-a Vawk thi tamna ber Thenzawl khua ah Vawk 863 a thi tawh a. Hri lenna hmuna la puan loh Thing-lian khua ah nimin khan Vawk thi 2 a awm leh bawk.

ASF hri leng avang hian nimin khan Ser-chhip District-a khaw 4-ah Vawk 30 suat leh a ni bawk a, Buhkangkawn-ah Vawk 12, Bung-tlang-ah 10 leh Hualtu-ah 6 suatin Thenzawl-ah Vawk 2 suat a ni bawk a, Serchhip District-ah hri leng avangin Vawk 2465 suat a ni ta a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »