Khaw 22 inkhawm phal tawh

Serchhip District chhunga khaw 18 te chu inkhawm phalsak leh niin heti hian Serchhip District chhunga khaw 22 te chu inkhawm phalna pek an ni tawh.

Hemi chungchanga niminpiah a Serchhip District Bawrhsap in thuchhuah siama a tarlan danin Village Level Task Force on COVID-19 leh tualchhung Kohhran Committee-in an dil angin inkhawm dilna hi phalsak an ni a, heng khua te hi Bawktlang, Lungchhuan, Sailulak, Piler, Thentlang, Chekawn, Thinglian, Vanchengte, Sialhau, Sialsir, Rullam, Keitum, Hualtu, North Vanlaiphai, Lungpho, Khawbel, Bungtlang leh Hmuntha khua te niin hemi hmalam hian East Lungdar, Lungkawlh, Mualcheng leh Ngentiang te chu inkhawm phalna pek an lo ni tawh a ni.

Heng inkhawm phalna khua ah te hian Pathianni chhun ah chauh inkhawm phal niin Biak In-a leng zat chanve (50% seating capacity) emaw, mi 200 aia tam lo emaw tel phal a ni a. COVID-19 symptoms neite chu inkhawm loh tur niin Inkhawmah hian zai phal a ni lo bawk.