My Aim My Target Career Awareness neih a ni
Beti Bachao Beti Padhao (BBBP) Serchhip District hmalakna hnuaiah ‘My Aim My Target Career Awareness Campaign’ chu nimin khan Govt. HSS Serchhip Zirlai naupangte tan buatsaih leh a ni.
BNRGSK Hall, Serchhip P&E Veng-a Awareness Campaign neih hi Serchhip DIPRO K. Saitluanga chuan kaihruaiin BBBP Serchhip District hmalakna tlangpuite sawi hmasa in, zirlai hmeichhe naupang thlan bikte puala Awareness Seminar an neih chhan te a sawifiah bawk a. My Aim My Target Action Plan duan lai hian COVID-19 hripui vanga mi 30 chin chauh punkhawm phal a nih lai a nih avangin mi 30 tel theihna tur programme an duang tih sawiin, hei vang hian tun tumah pawh Govt. Higher Secondary School-a zirlai hmeichhia zawng zawngte tel lovin, mi thlan bikte chauh an tel phah ta a ni, a ti.
He Seminar-ah hian Lalhruaitluanga, Founder, Zocareer Solutions leh C. Lalhriat-puia, MD, Hillsgate ten naupangte hi Higher Secondary an chhuah ruala an hna zawn zui theih hrang hrangte, zir zawm zel duhte tana kal zel dante, mahnia eizawnna din duhte tana bul tan chhoh dan leh thil pawimawhte zirtirna an pe a ni.
He Seminar-a tel hmeichhiate hi an nih tum (aim in life/ target job) zawh nghal vek niin, heng an nih tum hna lo thawk mektu Officer leh midangte nena inkawmhona hun remchang siam sak zui leh an ni anga, chungte pawh chu Cable TV lamah la tihchhuah leh tura ruahman a ni.
Comments
Post a Comment