Chanchin thar thenkhat :

Governor in PM a kawm

Mizoram Governor thar Dr. Haribabu Kam-bhampati chuan nimin khan India Prime Minister Narendra Modi chu Parliament House, New Delhi-ah hmuin Vice President M. Venkaiah Naidu pawh New Delhi-a a Office-ah a kawm bawk a, Governor hi Lady Governor Jayashree Kambhampati chuan a tawiawm a ni. Heng ram hruaitute a kawmna ah hian Governor hian Mizo-ram tana thil pawimawh te tawngkain a thlen nghal a ni. Hemi hmalam hian Governor hian President Ram Nath Kovind pawh a lo hmu tawh a ni.

Executive Duty te tlawh

Khawzawl District Bawrhsap, Zothanmawia chuan nimin khan Khawzawl khawpui chhunga Covid-19 Executive Duty-te a tlawh a, he hunah hian Bawrhsap chuan Khawzawl District-ah enkawl zawh loh khawp hri kai an la awm lo chu lawmawm a tih thu sawiin, duty te chu tha thlah mai lo a thahnemngai taka duty thin turin a chah a ni. Khawzawl-ah hian April 21, 2021 atanga Covid-19 Executive Duty hi tan niin, tunah hian Veng paruk - Arro Veng, Zaingen Veng, Zuchhip Veng, Kawnzar, Vengthar leh Hermon Veng-ah te duty post pakhat theuh siam a ni a. Heng hmun ah te hian kartawp telin sawrkar department hrang hranga thawkte nitin an duty thin a ni.

JAC ten lungawiloh thu sawi

Joint Action Committee on Inner Line Reserved Forest Demand chuan nimin khan thuchhuah siamin Mizoram leh Assam inkar boruak thleng meka Assam lam chet dan chu lungawi har an tih thu leh an duhloh thu an sawi a. Mizoram leh mipuite chak lakluhna ber dan lo anga an dan lai leh Rail kawng tichhia a damlo te hman tur damdawi thleng a min hrek sak lai a Central sawrkar in engmah khakna leh an tih dikloh a Action lak tumna an neilo chu mak an tiin an hrethiamlo tih an sawi a. “Mizoram leh Mizo mipuite hi India Constitution leh inkaihhruaina hnuaiah hian khua leh tui kan ni ta lo em ni?” tiin India President leh Prime Minister te chu an zawt bawk.