Latest News

P&E Minister in Mamit District-a Chuhvel khua a tlawh

P&E Department changtu Minister R. Lalzirliana chuan nimin khan Mamit District chhunga Chuhvel khua tlawhin khawtlang hruaitute nen inkawmna an nei.

Chuhvel khaw tlawhtu P&E Minister hi Community Hall-ah lo hmuah niin P&E Minister chuan Chuhvel khaw mipuite'n tha taka Sawrkar an thawhpuina-ah lawmthu sawiin, ram tana thawktu an nih angin thawkho a, kan sipaite tha tichaktu ni zel turin a chah a. Police duty te pawh thuawih tak leh chhel taka kan ram venhimna kawnga tang fan fan turin a chah bawk. Kan pi leh pu te'n min hnutchhiah kan ram venhimna kawnga tha thawhtu zawng zawngte chungah lawmthu sawiin, kan ram min hnehchhuh tum a, foreigner min dahsak tumtute laka kan ram kan la humhim zel thei chu Pathian tanpuina vang anih thu a sawi bawk.

State Sawrkar thuneihna anih angin Civil mite tan Non Prohibited Rifle, mahni invenna atana hman tur Arms Licence pek theih anih angin Licence pekchhuah thin anih thu Minister chuan a sawi a. Heng silaite hi a hun takah chauh chelek chhuak thin turin mipuite a chah a. Chuhvel khua mai bakah ram buaina hmun John Halliday-a Thlam bulah Electric Transformer bun a Police duty na hmun thlenga Electric Eng lut turin Mamit P&E Department in hma an lak mek thu a sawi bawk.

He hunah hian Dy. Govt. Chief Whip Lalrintluanga Sailo pawhin P&E Minister hmalakna chak tak avanga kan ram buaina hmun hrang hrangah Electric eng a luh theih nana hrui thlun zung zung a ni chu lawmawm a tih thu a sawi a. Rubber & Allied Crops Development Board Vice Chairman Lalrinsanga Ralte MLA pawhin kan ram venhimna kawnga Chuhvel khawtlang mipuite hmalakna-ah lawmthu sawiin, Assam lam chet hma-a District thuneitute hnena Information rang taka an pe thin chu fakawm a tih thu a sawi a. Roads & Infrastructure Development Board Vice Chairman Er. H. Lalzirliana MLA pawhin kan luah chin, kan ram chhungah Kawng, Eng leh Tui lama mipuite mamawh phuhruk turin chak taka hmalakna kalpui a nih thu a sawi a. Heng hmalakna te hi Sawrkar tih tur ringawta dah lovin theihtawpa Sawrkar lo thlawp a, lo thawhpui turin mipuite a chah bawk.

He hunah hian Chuhvel mipui aiawhin Chuhvel VCP chuan khawtlang harsatna leh mamawh hrang hrang Minister hnenah hian a thlen a. Minister hian sipai duty-te Vawksa leina tur Rs. 30,000/- a hlan bakah Electric Eng peihfel anih hma-a an lo hman tur Solar Light hmanrua set 10 a pe bawk. Hei bakah hian VC Leh NGO te hman tur Rs. 5000/- a pe bawk a ni. Minister hi sawrkar Department hotute leh 4th IR-a Dy. Commandant ten an tawiawm bawk a ni.

Comments

Chhiar Hlawhte