Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Tuizem-a boruak tlakchham vangin mi 4 an boral

Nimin tlai khan Kolasib Diakkawn Veng-a unau pathum chu an Tuizem siam-ah boruak tla-chhamin an boral nia hriat a ni a, anmahni chhan tumtu mi pakhat pawh a boral bawk.

Thudawn danin Kolasib Diakkawn Nursery Veng-a Vanlalsiama Parte te hian RCC hmanga Tuizem siamin a chhung lama Mau hmanga a Slab dona chu phet turin nimin tlai khan a fate 3- Albert Vanlalhriata Parte (40), Andrew Vanlalhruaia Parte (40) leh William Lalduhawma Parte (35) te chu Tuizem-ah hian an lut a, hetah hian boruak tlachhamin an buai nia hriat niin anmahni chhan tura kal Lalchhuanliana (62) pawh a buai zui ve leh bawk a, midang te inpunkhawmin an vai hian an lachhuak a, damdawi In panpui nghal ni mah se chhan hman an ni lo a ni.

Thudawn danin he Tuizem hi a lai-ah pindanna awm niin a pindanna hnuailam ah hian tui kaltlang theih a ni thung a, Tui kaltlang theihna hi Tui in chim in an luhna lam ni lo zawk pindan ah hian buaina hi an tawk a ni. Heng mite hi Vawiin hian Postmortem-a vuiliam an ni ang.

Comments

Popular News (Last 30 Days)