COVID-19 hri kai 467 hmuh belh leh an ni

/

Mizoram-ah COVID-19 hri kai hmuhchhuah la awm belh zelin Inrinni khan Sample enfiah 8772 atangin hri kai 467 hmuh belh leh an ni a, Mizoram-a hri kai hmuhchhuah zawng zawng chu 48,462 an tling tawh a ni.

Inrinni khan ZMC-a RT-PCR Laboratory-ah Sample 243 enfiah niin heng atang hian hri kai mi 24 hmuhchhuah an ni a, an vai hian Aizawl District-a Sample lak vek niin hri kai hmuhchhuah zinga 18 te hi Chhuanthar Tlangnuam ami an ni a, Veng leh khua 6 atangin hri kai pakhat theuh hmuh an ni bawk. Hei bakah hian Fluorescent Immunoassay (FIA) hmangin Sample 128 enfiah ni bawkin hri kai mi 8 hmuh an ni bawk a, an vai hian Aizawl District ami niin Veng hrang hrang atangin mi pakhat te te an ni.

Mizoram District hrang hranga TrueNat Laboratory-ah Sample 250 enfiah ni bawkin heng atang hian hri kai mi 35 hmuh an ni bawk a, Aizawl District-ah mi 8, Siaha District-ah 8, Hnahthial leh Lunglei District-ah mi 6 ve ve, Lawngtlai District-ah mi 5 leh Champhai leh Saitual District-ah mi pakhat ve ve an ni bawk.

Rapid Antigen Test hmangin Sample 8151 enfiah ni bawkin heng atang hian hri kai mi 400 hmuhchhuah an ni bawk a, Aizawl District chu hri kai hmuhchhuah tamna ber District ni lehin hri kai 169 hmuh an ni a, Veng leh khua 48 ami te an nih bakah Operation Kingdom Ministry, Phunchawng atangin hri kai mi 10 hmuh belh leh an ni bawk. Heng bakah hian Kolasib District-ah hri kai mi 78 hmuh niin Siaha District-ah 35, Champhai District-ah mi 28, Mamit District-ah 33, Lunglei District-ah 17, Lawngtlai District-ah 16, Hnahthial leh Serchhip District-ah 11 ve ve leh Saitual District-ah mi 2 hmuh an ni bawk.

Nimin khan Mizoram-a COVID-19 hri kai enkawl mi 1067 te chu hri lakah fihlimin anmahni enkawlna hmun a\anga chhuahtir niin Inrinni khan mi 947 te enkawl dam an ni bawk a. Heti hian nizan thlenga Mizoram-a COVID-19 hri kai hmuhchhuah tawh chu 48,462 niin heng zinga 38,693 te chu enkawl dam an ni tawh a, hei hi hri kai tawh atanga chhutin zaa 79.84 a ni a, tunah hian hri kai enkawllai 9588 la awmin sing khat aia hniam-ah a awm leh ta rih a ni.

Hri kai zingah mi 181 zet an boral tawh :

Mizoram-a COVID-19 hri kai zingah nimin thleng khan mi 181 zetin nunna an chan tawh. Tunhnaiah Mizoram-a COVID-19 hri kai te zingah boral an awm deuh reng a, Inrinni khan hri kai mi 3 zet boralin nimin khan mi pahnih an boral leh bawk a, heng te nen hian nimin thleng khan hri kai zingah mi 181 zet an boral tawh a ni. Chhinchhiahna atanga a lan danin tun thla ah thla chanve, nimin thleng khan hri kai mi mi 33 zet an boral tawh a, nitin hri kai boral awm ziahin tun thla ni 3 khan mi 5 zet boralin tun thla bikah ni khat-a hri kai boral an tam ber tum a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »