Latest News

PHE in Tuikum Pipeline-ah Non-Return Valve an vuah

PHE Department in Tuikum Lui atanga Khawtetlang-a Tui an lakna Pipeline-ah Inrinni khan Non-Return Valve (NRV) vuah a ni.

Tuikum Lui atanga Khawtetlang-a PHE Department in Tui an lakna Pipeline, ERW Pipe hi kum 24 a upa ni tawhin, a upat pawh avang hian Tui pump lai pawhin a chhe fo thin a, hei hi Water Hammer Load a zawh tawhloh vang nia hriat niin hemi venna atan hian Non-Return Valve (NRV) hi vuah a ni ta a ni.

PHE Serchhip Division-a Sr. SDO, Samuel LR. Ralte chuan Tui pump lai-a khawl Off emaw, current tawp emaw a awm thut hian Pipe-a tui awmsa chu luanglet in hei hian na taka khawl ah nghawng a neih thin thu a sawi a. Hei vang hian Pump bulah NRV hi a awmsa thu leh hei hian Tui Pump khawl a ven thu sawiin, tuna NRV an dah thar hian KM 2 vela thui an Pipeline chu nasa taka a ven dawn thu a sawi a. He an hnathawh hi Inrinni zing atang khan an thawh thu sawiin, thawktu hrang hrangte pawhin vilin hei vang hian Inrinni khan Tui an pump theihloh thu leh mipui hnena Tui sem erawh nghawng lo tura an beisei thu a sawi bawk.

Comments

Chhiar Hlawhte