Latest News

JAC ten Press mite an kawm

Joint Action Committee (JAC) on Inner Line Reserve Forest Demand te chuan nimin khan Aizawl Press Club-ah thuthar lakhawmtute kawmin Mizoram chhung Aitlang leh Phainuam Buarchep-a Assam Police inkulh mek chu a rang thei ang bera nawrchhuak turin Mizoram sawrkar an phut thu an sawi a, ram an la let thei dawn lo a nih chuan laklet a nih theihna'n theihtawpa ke an pen tur thu an sawi bawk.

JAC hruaitute chuan Aitlang ramah chhungkaw 18 zetin intunnun nan leh eizawn nana an hman mek leh Phainuam Buarchep lamah  kum 60 chuang Mizo chhungkua in eizawn nana an lo hman tawh hmunte Assam sawrkarin hnehchhuhin Mizoram chhung ngeiah Assam Police Camp te siamin khawih chet phal tawh lovin an luahlan mek niin an sawi.

JAC hruaitute chuan, Assam leh Mizo-ram ramri buainaah hian a ramri tak tak chinfelna tur kawng sawrkarin a pen lo nia an hriat thu pawh sawiin, Assam leh Mizoram ramri chingfel tura auh eih an tum ber sawrkar laipui tun thlenga a la reh chu mak an tih thu an sawi a. Mizoram sawrkar chu ramri buaina chinfel nana theihtawp chhuah turin an ngen tih an sawi bawk.

Comments

Popular News (Last 30 Days)