Latest News

September 3-ah Teachers’ Day hmang turin rel

Kumin-a Zirtirtute Ni, Teachers' Day chu September 3 khian Mizoram-ah hman a ni dawn.

Nimin khan School Education Secretary Dr. Lalzirmawia Chhangte IAS hovin Teachers’ Day lo thleng tur pualin State Level Working Committee chu SAW Conference Hall, Aizawl-ah an thukhawm a, he hunah hian kumin-a Teachers' Day hman dan tur chungchang sawiho niin Teachers’ Day vawi 60-na hi a remchan anga hman leh ngei nise an ti a. Kumin-a Teachers' Day, September ni 5 hi Pathianni anih avangin, September ni 3, 2021 (Zirtawpni)-ah hman relin, Teachers' Day denchhenin National leh State Awardees te chu an awmna District  theuhah remchang an tih angin chawimawi nise an ti bawk.

District tinah District Level Committee-in Teachers' Day hman dan tur relin, tha an tih anga hman nise an ti bawk a. Sum tuak chungchang ah kum danga an tih thin angin Zirtirtu pakhat zelin Rs. 50/- thawh leh nisean ti a, Covid-19 hrileng avangin kumin hian School naupang ten Rs. 10/- an thawh thin chu awl ni se, an ti a. Heng sum tlingkhawmte hi zirtirtu natna khirhkhan tuarte tanpuina atan pek thin a ni.

Comments

Chhiar Hlawhte