Nimin-ah ASF vanga Vawk thi tlahniam hret

Serchhip District-a African Swine Fever (ASF) avanga Vawk thi chu a tlahniam hret hret niin a lang a, nimin khan Vawk thi 29 chiah chhinchhiah thar a awm a ni.

AH&Vety Department in an chhinchhiahna atanga a lan danin nimin a ASF vanga Vawk thi chhinchhiah thar 29 te hi khaw 9 ami niin Vawk thi tamna ber Thenzawl ah Vawk thi 10 a awm leh a, Keitum leh Serchhip Vengchung-ah Vawk 4 ve ve thiin Vanchengte ah Vawk 3 a thi a. Chhingchhip Mualpui, Hualtu leh Chhingchhip-ah Vawk 2 theuh thiin P&E Veng leh Buangpui-ah Vawk pakhat ve ve a thi bawk a ni. Heti hian Serchhip District chhung khaw 26-a ASF vanga Vawk thi chu 2,828 a tling ta a, Vawk thi tamna ber Thenzawl-ah Vawk 849 thi tawhin Vawk 100 aia tam thihna khaw 8 a awm bawk a ni.

Nimin khan Vawk hri lenna khua 10-ah Vawk 41 suat a ni leh bawk a, heng te nen hian ASF hri lenna hmuna Vawk suat chu 2276 a tling tawh bawk a ni.