MNF Thalai ten tanrualna lawmawm an ti

/

MNF Thalai, Mizo National Youth Front (MNYF) chuan ramri chungchanga Mizo mipui tanrualna chu lawmawm an tih thu an sawi.

    Nimin a thuchhuah an siamah MNYF Hqrs. chuan tunhnaiah ramri chungchanga Mizoram leh Assam intihbuaina thleng avanga Mizo mipuite inlungrualna te, thahnemngaihna leh ram leh hnam hmangaihna thinlung lo lang chhuak te chu ropui an tih thu sawiin, hetiang renga hnam anga lungrualna hi a thleng zen zen pawhin a rinawm loh tih an tarlang a. Political party hrang hrangten party nihna dahthaa sawrkar hmalakna an thlawp dan te, NGO hrang hrangte hruikhat vuana hma an lakna te, mahni theihna zawn zawna hmalaa Social Media lama kan thalaite tan lakna te, mahni theihna kawng kawnga Media hmachhawna kan au chhuahna te, Zoram mipui zawng zawngte chet laknate chu theihnghilh mai theih chi-ah an ngai lo tih an sawi a. Hei bakah hian sawrkarin Boundary Committee a din pawh lawmawm an tih thu sawiin, Remna leh muanna a awm theihna tura State sawrkar pahnih hmalakna in rah tha a chhuah thuai an beisei tih an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »