Latest News

LENKAWL in kum 40 a tling ta

LENKAWL in kum 40 a tling ta

Vawiin August 14, 2021 hi kan chan-chinbu, LENKAWL in kum 40 tlinga kum 41-na hmel a hmuhna ni a ni a, Pathian leh mipui te duhsakna changa hetiang hun kan thleng thei hi kan lawmin in mi duhsakna kan dawn zawng zawngah lawmthu kan sawi a. Hun lo la kal zel turah pawh kan chanchinbu te min lo ngaihhlut saka, Serchhip khawtlang tana ding leh tihchhuah a nih anga rawn hmang tangkai zel turin kan sawm che u a. He chan-chinbu tihchhuah tirh atanga Vawiin thlenga min laksaktu te, thuchhuah tur min pe thintu mimal/pawl/sawrkar te chungah lawmthu kan sawiin, thurawn tha tak tak min pe thintu te chungah pawh lawmthu kan sawi tak meuh meuh a ni.

Chanchinbu tihchhuah hi sum leh pai a hlawkna ngawt um tan chuan tuna kan khaw dinhmun atanga chhut chuan thil tih chi a ni lo viau a, hri leng avanga harsatna kan tawrh hnuah phei chuan mipuite tana hriat tur thil pawimawh puanzar ve reng a tul avangin hri leng karah pawh chawlh awm lovin, a phek a semchhuah a remchan loh lai pawhin pdf copy tal tichhuakin kan la kalpui ve reng a. Amaherawh chu hun rei tak chhung chanchinbu man te khawn a remchan bawk si loh avangin ‘hloh hlir in kan kal’ tih theih a ni awm e.

Amaherawh chu LENKAWL hi mipui, Serchhip khawtlang, ram leh Hnam in hma a lo sawn theihna tura kawng khat tala tang-kaina a neih ve beiseina avanga tihchhuah a nih angin harsatna karah pawh theihtawp kan chhuah ve zel a. Hei hi mipuite pawhin min hriatpuiin, Serchhip leh kan khawtlang in hma a sawn theihna tura tangkaina a nei a nih chuan rawn hmang tangkai zel turin kan sawm thar leh bawk che u a ni.

Comments

Chhiar Hlawhte