Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

MPYCC in 'Electric bill dik lo dodalna' hmangin P&E Minister bang ngam turin an ti

Congress Thalai, Mizoram Pradesh Youth Congress Committee (MPYCC) chuan nimin khan Aizawl-a Vanapa Hall Kawt-ah 'Electric bill dik lo dodalna' hun hmangin Electric Bill dik lo engemaw zat hàl a ni.

MPYCC in 'Electric bill dik lo dodalna' hun an hman ah hian sawrkar laka lungawilohna lantirin Flag dum an zar bakah Banner leh Poster te an tar bawk a. He hunah hian MPYCC President Dr. Lalmalsawma Nghaka chuan kumin August thlaa mipuiin Electric Bill an chawi turah tum danga an chawi aia let 4-5 laia sang te mi tam takah sawrkarin a thin avangin thil dik lo lian tak a awm tih a chiang tih a sawi a. “Electric bill diklo awm zawng zawng sawrkarin chingfelin, bill dik tak chauh mipuiin pek ni rawh se,” a ti a. Tun tuma loh theih loh vanga Electric Bill dik lo, sâng tak tak chawitu ten bill an lo pek tawhte pawh hi an bill dik tak siamthat a nih hunah bill lo kal leh turah siamrem ni rawh se, a ti bawk.

Kumin April thla atanga hman tan sawrkarin Electric Bill 20.68%-a a tihpunna nena chhutin, mipui tam takin Electric bill sâng an chawi tura hi a inmil thei lo tih pawh MPYCC President chuan sawiin, “Sawrkarin chhungkaw tam taka Electric Bill a thin zat hi thla khata an chawi thin pangngai aia zaa 20 vela sang tur nia a lan laiin, zaa 300, 400 leh 500 laia sângte chawi tura bituk an ni. Sawrkar hian COVID-19 denchhen hian mipui hi thiam takin nasa takin a rawk mêk a ni,” a ti.

MPYCC President chuan COVID-19 hripui vanga mipui nawlpui kan harsat em em lai hi chuan sawrkarin kumin April thla atanga hman tan tura Electric bill an tihsan hi sut rih tura an phut thu pawh sawiin, “Electric bill tihpunna tur rawtna sawrkarin a siam chu a sân em avangin Joint Electricity Regulations Commission for Manipur and Mizoram (JERC)-te ben hniam hial an ngai hi mipui zahlohna dik tak a ni,” a ti a. Electric bill a dikloh nasat avanga an tih tur dik tak ti-a bill complaint-tute Power & Electricity Minister, R. Lalzirliana'n khawtlang tana mi hnawksak, a ruka zu zuar, ruihhlo ngawlvei leh ar ruk ching ang hiala a tehkhin chu an dem takzet tih pawh a sawi a. “R. Lalzirliana hian Mizoram mipuite min tham lova, an aiawha ding tura beisei berin Mizoram mipui a diriam hi a Mizo lovin a Kristian lo hle a. Hei vang hian Mizoram mipui hmaah ngaihdam a dil kan phut,” tiin P&E Minister chuan a chanvo a zo lo tih a chiang niin a sawi a, “P&E Department hi a enkawl zawh loh avangin Minister a nihna atang hian mipui pawi a sawi nasat em avangin bang ngam rawh se,” a ti bawk.

He hunah hian MPYCC President chuan kum 2020 June thla atanga hman tan tawh, COVID-19 denchhena sawrkarin Petrol leh Diesel chhiah nasa taka a tihpun chu tihniam tawh tura an phut thu pawh a sawi bawk.

Comments

Popular News (Last 30 Days)