Hri kai enkawllai 90 awm

Zonuna Kawlni /

Serchhip District-ah COVID-19 hri kai en-kawllai mi 90 an la awm mek.

Hriat theih chinah nimin khan Serchhip District-ah hri kai hmuh thar mi 3 awmin heng mite hi Thenzawl khua an ni a, niminpiah khan TrueNat Laboratory-ah hri kai mi pakhat hmuh niin Serchhip Vengchung ami a ni a, Rapid Antigen Test hmangin hri kai mi 4 hmuh ni bawkin, Vengchung-a hri kai hmuh-chhuah nimin lama kan rawn tarlan tawh bakah Thenzawl atangin hri kai mi pathum hmuhchhuah an ni bawk.

Nimin khan Serchhip District-ah hri kai mi 8 te chu enkawl dam an ni bawk a, heng mite hi Serchhip Vengchung mi 6 bakah Bazar leh Hmar Veng a mi pakhat ve ve an ni. Heti hian Serchhip District-ah hri kai hmuhchhuah 968 awm tawhin an zinga 875 te chu enkawl dam an ni tawh a, tunah hian hri kai enkawllai 90 awmin hri kai te zingah mi 3 an boral tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »