Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Chanchin thar thenkhat :

Lunglei-a BCCC tlawh

Baptist Church of Mizoram (BCM) in CO-VID-19 hri kai te enkawlna tur hmun Lunglei Serkawn-a an buatsaih, Baptist COVID Care Centre (BCCC) chu nimin khan Lunglei HPC Vice Chairman Lawmawma Tochhawng chuan tlawhin Rev. R. Lalbiakliana, AGS leh Dr. Lal-ramzauva, Director, Medical & Health Department BCM bakah an thawhpui ten an lo dawng-sawng a, HPC Vice Chairman hian COVID-19 dona hmanraw hrang hrang- PPE Kit, Face Mask, Sanitizer, Sodium Hypochlorite a hlan nghal bawk. BCCC hi July 28, 2021 khan hawn niin July 30 atangin hri kai enkawl tan an ni a, khum 23 awmin mi 60 dahluh an ni tawh a, tunah hian mi 12 enkawl mek an ni.


Chawimawina hlan

Kumin-a State Level-a Zirtirtu tha chawi-mawina (Primary School category) dawng tur Vanlalthangi Chhakchhuak, Headmistress, Govt. Electric Veng Primary School-II, Registrar of Birth & Death Farm Veng Unit, Lunglei ni bawk chu nimin khan Economics & Statistics Department, Lunglei chuan an buatsaih a, lawmpuina thuziak leh pawisafai an hlan a ni. Vanlalthangi Chhakchhuak hian Online Class te pe in youtube Channel a siam a. Sap tawng-a video awm ho chu Mizo tawng, naupang ten an hriatthiam theih tura siamin hei hi zirlaiten an hlawkpui hle a ni. Tun dinhmunah Electric Veng Primary School II hian zirlai naupang 103 an nei mek a ni.


A hun takah nei thei dawnlo

Central YMA chuan October 19-21, 2021 chhunga YMA General Conference vawi 73-na Bilkhawthlir-a neih tur chu COVID-19 hri leng vangin a hun takah neih theih a ni dawnlo tih thu-chhuah siamin an tarlang a. August 24, 2021-a Central YMA Executive Committee thukhawm chuan, kumin 2021 chhhung ngei hian nei tura inbuatsaihna kalpui nise ti thungin, kumdang ang bawkin khawmpui atana inbuatsaihna pawh a kalpui chhunzawm nghal a ni.


DISHA thutkhawm nei

Nimin khan Kolasib DRDA Conference Hall-ah District Development Coordination & Monitoring Committee (DISHA) chu Lok Sabha MP, C. Lalrosanga hova thukhawmin sawrkar laipui ruahmanna hnuaia District Office 12 te hmalakna thlirho a ni a. He hunah hian an MGNREGS-ah Job Card nei 19,697 an awm mek thu leh kum 2020-2021 ah ni 100 inhlawhna pek an nih thu tarlan a ni a. PMGSY hnuaia hnathawh, a hun taka zawh hmanloh te endik dan tur leh hmalak chhunzawm dan turte pawh sawiho a ni bawk.


MZP in hmalakna tha ti

MZP General Hqrs. chuan nimin khan Aizawl-ah Executive Meeting neiin Mizoram leh Assam ramri buai chungchangah, kawng hrang hranga MZP hmalak tawhna leh a hmalak mekna chu a thlirletin tha an tih thu an sawi a, ramri chungchanga Mizoram sawrkar hma-lakna chu a tha zawnga thlawp zel tur leh a tul anga hmalak chhunzawm zel nise an ti bawk. Hei bakah hian MZP Assembly-cum-Election 2021 chu kumin Nov. 4 khian neih nise an ti bawk.

Comments

Popular News (Last 30 Days)