JAC te lehkha thehluh pek let an ni

Joint Action Committee on Inner Line Reserve Forest Demand chuan ramri chungchang lehkha pawimawh an khawn khawm sawrkar-a an thehluh tawh chu Home Department in a pe let tih an sawi.

Inrinni khan JAC on Inner Line Reserve Forest Demand hi Aizawl-a MZP Conference Hall-ah thukhawmin he hunah hian Political party te leh NGO aiawhte pawh an tel a. Meeting hian JAC hmalak tawhna leh JAC in Mizoram-Assam inkar buai chungchang a document a lo zawn khawm thahnem tak chu tha a tiin khawi hmunah pawh rin ngam niin a hria a. Document te Chief Secretary in tha lo vek ang a sawi laia pahnih pawm tlak leh sawrkar in a la neih loh thu a sawi leh si chu mak an tih thu pawh sawiin, ramri chungchang lehkha pawimawh an khawn khawm sawrkar-a an thehluh tawh chu Home Department August 10, 2021 khan a pe kir leh tih an sawi a, hei hi an hrethiam lo hle tih an sawi a ni.