Mass Testing-ah hri kai 2 hmu

Serchhip Vengchung VLTF huamchhunga Mass Testing neih chu nimin khan chhunzawm niin hri kai mi 2 hmuh belh leh an ni.

Niminpiah lama Sample 629 enfiah a nih hnuah nimin-a Mass Testing chhunzawm-ah hian Sample 94 enfiah leh niin heng atang hian hri kai mi 2 hmuh belh leh an ni a, heti hian ni 2 chhunga Sample Testing neih chhungin Sample 723 enfiah ah hri kai mi 24 hmuh an ni ta a ni. Heti hian tun thla ni 12 a Serchhip Vengchung-a hri kai hmuhchhuah a nih atanga nimin thlengin hri kai mi 66 hmuh an ni ta a ni.

Serchhip Vengchung VLTF chuan an huamchhunga hri leng darh chu an chhui hnuah thunun theihloh khawpin mipui-ah a darh lo nia an hriat thu an sawi a. Hei vang hian an huam-chhung Restricted area-a puan, nizan zanlai-a tawp tur chu pawhsei tawhloh nise tiin an rel a, mipuite erawh fimkhur zel turin an in chah thung.