Ni khat-a hri kai hmuhchhuah zat la tlem theilo

Niminpiah khan Mizoram-ah Sample 4499 enfiah niin heng atang hian COVID-19 hri kai 374 hmuh leh an ni a, sample enfiah atanga za zela 8.31 te chuan hri an kai a ni.

Niminpiah khan ZMC Laboratory-ah Sample 1322 enfiah niin heng atang hian COVID-19 hri kai 109 lai hmuh an ni a, tunhnaia hri kai hmuhchhuah tamna Saron Veng atangin hri kai mi 24 lai hmuh belh leh an ni a, Dinthar Veng atangin hri kai mi 12, Bethlehem Vengthlang atangin 11 leh Aizawl Venglai atangin hri kai 10 hmuh an ni bawk a.

District hrang hranga TrueNat Laboratory-ah Sample 142 enfiah ni bawkin heng atang hian COVID-19 hri kai mi 7 hmuh an ni bawk a, an zinga mi 5 te hi Lunglei District ami niin Tuichawng-ah hri kai mi 4 hmuh an ni. Serchhip District-ah hri kai pakhat hmuh ni bawkin BSF sipai, tunhnaia State pawn atanga rawn lut a ni.

Mizoram District hrang hrangah niminpiah khan Rapid Antigen Test hmangin Sample 3035 enfiah ni bawkin hri kai mi 258 zet hmuh an ni a, an zinga mi 117 te chu Aizawl District a hri kai hmuhchhuah an ni. Aizawl District-a hri kai hmuhchhuah zingah hian Shivalaya Constructions Pvt. Ltd. hnuaia thawk tur mi 14 laiin hri an kai a, midang te hi Veng leh khaw hrang hrang ami te an ni thung.

Heng bakah hian Lawngtlai District-ah hri kai mi 54 hmuh niin tunhnaia hri kai tam tham tak hmuhna Karlui-I ah hri kai 21 hmuh belh leh an ni a, Chawngte L-ah hri kai 12 hmuh niin Kamalanagar-ah hri kai 18 lai hmuh an awm bawk. Kolasib District-ah pawh hri kai 51 hmuh an ni a, Vairengte Zalen Veng-ah hri kai 16 zet hmuh an awm a. Lunglei District-ah hri kai mi 11 hmuh niin Serchhip District-ah hri kai mi 10 hmuh an ni bawk a, Siaha District-ah hri kai mi 7, Mamit District-ah 5, Hnahthial District-ah 2 leh Saitual District-ah hri kai pakhat hmuh an ni bawk.

Heti hian nimin thleng khan Mizoram-ah COVID-19 hri kai 17,979 hmuh an ni tawh a, nimin khan hri kai enkawl dam mi 233 awm belh lehin heng te nen hian Mizoram-a hri kai zingah mi 13,900 te chu enkawl dam an ni tawh a, hei hi hri kai hmuhchhuah atanga chhutin za zela 77.31 a ni a, hri kai enkawllai 3994 an la awm mek a ni.

COVID-19 hri kai boral awm belh leh :

Nimin khan Mizoram-a COVID-19 hri kai zingah mi pakhat boral lehin Lalhmingmawii Pachuau (54), Aizawl Venghlui chu ZMC-ah a boral a, June 14 khan COVID-19 hri a kai tih hmuhchhuah niin a tuk, June 15-ah ZMC-ah enkawl nghal a ni a, nimin zing dar 5:00 khan a boral zui ta a ni. Heti hian Mizoram-a COVID-19 hri kai zingah mi 85 lai an boral ta a, tun thla chhung ringawtin mi 45 lai boral an awm tawh bawk a ni.