Latest News

Online Education Committee thutkhawm neih a ni

Mizoram sawrkar-a Human Resource Development Board Vice Chairman, L. Thangmawia kaihhruai 'Online Education Committee'  chu nimin khan thukhawmin COVID-19 hrileng avanga School khar ngai leh chumi nghawng avanga zirna pangngai kalpui theih loh laia mumal zawka zirna kalpui dan tur chungchang an sawiho.

He sawihona hi Directorate of Education-ah neih a ni a, he Committee hian COVID-19 hrileng in zirna kalphung pangngai a nghawng dan ngun taka zirchiangin survey te neih a ni a. Hemi bakah hian mumal zawka zirna kalpui a nih theih nan Inkaihhruaina (Guidelines) siam tha tiin sawrkar in a ngaihtuah chhunzawm turin Ministry of Education, Govt. of India-in kaihhruaina a siam – PRAGYATA dungzuiin Draft Guidelines for Education during COVID-19 Pandemic chu sawrkar ah thehluh tura buatsaih a ni bawk.

He Guidelines hi Committee chuan a pawmpui nghal bawk a, harsatna dang a awm loh chuan Dt. 1.7.2021 hian sawrkarah thehluh tum a ni a. He Committee hian Online Education kalpui nana hmanrua (device) zirlaiin ten an neih dan leh a nei ve lote dinhmun te zirchiang in hmanrua nei velo ten zirna tha an dawn ve theih dan tur te zau taka sawiho in rawtna an thlen a ni.

He Committee-ah hian Department chhunga Officers, ICT Department aiawh leh MZU atangin an tel bakah sawrkar School leh Private School-a zirtirtute aiawh te an tel a. Ruahman lawk ang chuan Committee-in rawtna leh inkaihhruaina a siamte hi July thla chhung ngeia hman nghal theih beisei a ni.

Kumin May 25-a School Education Minister, Lalchhandama Ralte hova zirna kalpui zel dan tur sawihona neih ah Online Education Committee hi dinin June 2020 chhunga kaih-hruaina hi siam tura tih an ni.

Comments

Chhiar Hlawhte