Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Vawk thi la awm belh zel

AH&Vety Department in nimin-a report a an tarlan danin nimin lamah Serchhip District-ah ASF vangin Vawk thi 19 a awm belh leh.

Serchhip District-a ASF vanga Vawk thi thar te hi Thenzawl-ah 8, Serchhip P&E Veng leh Chhiahtlang-ah 4 ve ve leh New Serchhip-ah 3 te an ni a, heti hian Serchhip District a ASF hri leng vanga Vawk thi chu 416 a tling ta a, New Serchhip-ah ringawt Vawk 183 thi tawhin Serchhip P&E Veng-ah 104 a thi tawh bawk a ni. Heng bakah hian ASF hri lenna hmuna la puan loh ah Vawk thi 10 a awm belh leh bawk a, Serchhip-ah Vawk 6 thiin Lungkawl khua ah Vawk 2 leh Zote South leh Hriangtlang khua ah Vawk pakhat ve ve a thi leh a, chhan hriatloh a Vawk thi hi 97 a tling tawh a ni.

Comments

Chhiar Hlawhte