Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

MPYCC in HME Director thusawi hriatthiam har an ti

Mizoram Pradesh Youth Congress Committee (MPYCC) chuan Hospital & Medical Education Director thusawi chu hriatthiam har an tih thu sawiin, Zoram mipui hmaa he a thil sawi hi sawifiah vat an phut thu an sawi.

Nimin-a thuchhuah an siamah MPYCC chuan Zodintluanga MLA in June 26,2020-a Lunglei DC leh District LTF hnena RT-PCR khawl a hlan chu HME Director in mawlmang taka khawl hi in pek chi a nih loh thu leh khawl petu khawl pek dan hi awmze neilo, Pressure cooker inpek ang deuh a ni ti-a hnehsawh taka MLA thilpek a sawisel chu hriatthiam har an tih thu an sawi a. “Mizoram sawrkar leh Health Minister hian a hnuaia hnathawkte kut hmangin rul kua a zen ta mai em ni?” tiin an zawt bawk.

Sawrkar chuan a duh chuan thil hmanhmawh thlakah sum hman tur a pawtkhawm rum rum tur a ni tih chu an ngaihdan a nih thu pawh sawiin MPYCC chuan, PAHOSS a sum dah, Raw tiak supply na tur sum te, party invulh nana sum tam tak a dahte chu pawtpeng nghal tura an phut thu pawh an sawi a. October 15, 2020-a Mizoram Cancer Institute tana C. Ngunlianchunga MLA in Ambulance a pek, tun thlenga Registration tih loh a la ni te chu demawm an tih thu pawh an sawi bawk.

Comments

Chhiar Hlawhte