Hri leng dona hmanraw pawimawh rawn thleng

Union Health Minister Dr. Harsh Varshan hnena Health Minister Dr. R. Lalthangliana’n ngenna a lo thlen tawh angin Mizoram-a hri leng dona kawnga hman tur hmanraw hrang hrang chu nimin khan Aizawl rawn thlenpui a ni.

COVID-19 dona kawnga thawktute hmanraw pawimawh PPE indaihlohna phuhruksak tura Health Minister Dr. R. Lalthangliana’n Union Health Minister, Dr. Harsh Varshan hnena ngenna a lo thehluh tawh angin nimin June 7, 2021 khan Mizoram-a hnathawktute hman turin PPE 7500 leh hmanraw pawimawh N95 Mask 20,000; Gloves 20,000; Goggles 20,000 a lo thleng a. PPE te hi a vaiin 20,000 lo thleng tur a ni a, tun tuma lo thleng 7500 baka a dang lo la thleng turte hi hun reilote ah a lo thlen belh leh thuai dawn a ni. Heng PPE leh hmanrua te hi Central Medical Store, Zemabawk thawktuten an lo dawngsawng a ni.

Heng bakah hian nimin khan Life Insurance Company (LIC) chuan PPE set 100 zet chu Health & Family Welfare Department hnenah an hlan bawk a, WHO India atangin Respirator Mask 5000 chu Dr. Lalhlimpuii, SMO, WHO in nimin khan Health Department-a Principal Director hnenah a hlan bawk.